देवरुख शहरातील गर्दी थांबली "जनता कर्फ्यु" साठी (संगमेश्वर टाईम्स) संपूर्ण बातमी आणि छायाचित्रे पहा

🔘आणि देवरुख बाजारपेठ सहित संपूर्ण शहरात तसेच साखरपा मध्ये सुद्धा शुकशुकाट

देवरुख(अमोल गायकर)- देवरुख मधील मुख्य आठवडा बाजार, बस डेपो, शिवाजी चौक, हनुमान मंदिर परिसर आणि इतर ठिकाणी नेहमीच हजारो लोकांची वर्दळ असते आज त्या ठिकाणी संपूर्ण रस्ता,परिसर निर्मनुष्य आहे. देवरुख बस डेपोत तर सर्वत्र शुकशुकाट आहे.शहरातील जनतेचा उत्तम प्रतिसाद जनहितार्थ "जनता कर्फ्यु" ला मिळतोय हे सोबतच्या छायाचित्रे वरुन दिसून येत आहे

▪️रखरखत्या उन्हामध्ये देवरुख पोलिस ठाणे आणि ग्रामीण रुग्णालयात आरोग्यसेवक यांचा जनतेसाठी लढा सुरू.
▪️"जनता कर्फ्यु" ला कोरोनाच्या पार्श्वभूमीवर पूर्ण देशभरासहित महाराष्ट्र राज्यातील जनतासुद्धा पंतप्रधान नरेंद्र मोदी  यांच्या आवाहनाला उत्तम प्रतिसाद देत आहे.
▪️22 मार्च 2020 च्या सकाळी 7 ते रात्री 9 वाजेपर्यंत "जनता कर्फ्यु" असणार आहे,यामुळे नक्कीच गर्दीची ठिकाणी,नेहमीच्या वर्दळीच्या ठिकाणी शुकशुकाट झाल्याने कोरोनाचा संसर्गजन्य प्रसार थांबला जाईल हाच उद्देश डोळ्यासमोर ठेवून हा उपक्रम जनतेने जनतेसाठी करावा हेच आवाहन देशाचे पंतप्रधान नरेंद्र मोदी यांनी केले
▪️साखरपा मधील मुख्य आठवडा बाजार, बस डेपो येथे नेहमी वर्दळ असते आज त्या ठिकाणी संपूर्ण रस्ता,परिसर निर्मनुष्य आहे.सर्वत्र शुकशुकाट आहे.शहरातील जनतेचा उत्तम प्रतिसाद जनहितार्थ "जनता कर्फ्यु" ला मिळतोय हे सोबतच्या छायाचित्रे वरुन दिसून येत आहे
▪️जनतेने जनतेसाठी "जनता कर्फ्यु" पाळला पण याच जनतेच्या सुरक्षेसाठी मानवी देही दैवी खाकी अर्थात पोलिस ठिकठिकाणी या रखरखत्या उन्हात पहारा देताना दिसून येत आहेत. त्याचप्रमाणे कोरोना च्या विरोधात लढा देण्यासाठी ग्रामीण रुग्णालय चे आरोग्य सेवक सुद्धा कार्यरत आहेत, संगमेश्वर टाईम्स कडून मनापासून आभार.

🔹संगमेश्वर टाईम्स🔹